MTOTO ALIYETOROKA MOSHI AIBUKIA DSM

Mtoto Hassan Masasi, aliyetoroka nyumbani kwao Moshi, Kibosho-Umbwe, mkoani Kilimanjaro.

Mtoto Hassan Masasi (pichani), aliyetoroka nyumbani kwao Moshi, Kibosho-Umbwe, mkoani Kilimanjaro, ameonekana jijini Dar es Salaam.
Akizungumza jana katika ofisi za gazeti hili zilizoko Mikocheni jijini Dar es Salaam, mtoto huyo mwenye umri wa miaka saba, alisema ni mwanafunzi wa darasa la kwanza katika Shule ya Msingi Kindi Juu, iliyopo Moshi, Kibosho- Umbwe.

Alimtaja mama yake mzazi kuwa ni Pendo Athanas, mkazi wa eneo hilo na baba yake anaitwa asasi anayeishi Bukoba.
Hata hivyo, alisema wakati anaondoka nyumbani kwao, hakugombezwa na mtu yeyote wala kufanyiwa kitendo chochote kibaya isipokuwa aliamua mwenyewe kupanda basi la kampuni ya Buffalo bila kulipa nauli lakini alikuwa hajui anakokwenda.
Alisema alipofika Dar es Salaam, alipanda gari la kwanza akashuka na kisha kupanda lingine ambalo lilimfikisha eneo aliloliita ‘Bom-bom’ ambako alikuwa anatunzwa na msamaria mwema ambaye hamjui jina lake.

Mlinzi katika kampuni ya pikipiki iliyopo Mwenge mkabala na Kanisa la Efatha, jijini Dar es Salaam, Dotto Mkonda, alisema alimkuta mtoto huyo eneo la Mlalakuwa jana.

Dotto aliyemfikisha mtoto huyo katika ofisi za gazeti hili, alisema alimkuta katika kichochoro huku akiwa amechoka kiasi cha kuzungumza kwa taabu.

Alisema baada ya kumpa chakula, alimpeleka kituo kidogo cha polisi cha Mwenge ambako alifunguliwa jalada namba MWG/RB/1743/2014.

Amewataka watu wanayemfahamu mtoto huyo kwenda katika Kituo cha Polisi Mwenge ama cha karibú au kupiga simu namba 0716 87 86 41.

Read full

CHADEMA KUIPELEKA MAHAKAMANI KATIBA ILIYOPENDEKEZWA ISIPIGIWE KURA NA WANANCHI

Chama cha Demokrasia na maendeleo Chadema kimesema kinakamilisha ushahidi ili kwenda mahakamani kupinga katiba inayopendekezwa kupelekwa katika hatua ya kupigiwa kura ya maoni kwa madai kuwa katiba hiyo imekosa uhalali kutokana na kukosa theluthi mbili kutoka upande wa Zanzibar.

Makamu mwenyekiti wa Chadema Tanzania Bara Profesa Abdalah Safari ametoa tamkoa hilo wakati akihutubia umati wa wakazi wa mji wa Iringa na vitongoji vyake kwenye uwanja wa Mlandege ambapo amebainisha kuwa zoezi la kupitisha rasimu ya katiba inayopendekezwa ndani ya Bunge maalumu la katiba liligubikwa na mbinu chafu za uchakachuaji wa kura hasa za wajumbe wa Zanzibar.

 

Kwa upande wake katibu mkuu wa chama hicho Dokta Wilbrod Slaa amesema chama cha mapinduzi kimeanza kuhujumu mchakato wa uandikishaji wa wananchi kwenye Daftarai la Makazi kwa kuendesha zoezi hilo kwa siri huku kikitumia mabalozi wa nyumba kumi wa chama hicho kinyume na utaratibu wa kawaida ambapo kazi hiyo inapaswa kufanywa na watendaji wa vijiji kata na mitaa.

 

Aidha katibu mkuu huyo wa Chadema amewataka wananchi kutodanganyika na vipengele vya haki za makundi mbalimbali zilizowekwa kwenye katiba hiyo pendekezwa akieleza kuwa zimewekwa kama chambo kwani haki hizo zimeondolewa na kifungu cha 21 kinachoeleza kuwa haki hizo hazitadaiwa mahakamani

Read full